Prezident milli komandamızı tvitterdə təbrik etdi

Prezident milli komandamızı tvitterdə təbrik etdi

Prezident İlham Əliyev Avropa çempionatında yunan-Roma güləşi üzrə tarixdə ilk dəfə 6 medal qazanan milli komandamızı təbrik edib.

Dövlət başçısı öz tvitter mikrobloqunda Azərbaycan yunan-Roma güləşçisi Sənan Süleymanovun fotosunu paylaşaraq təbrik məktubu ünvanlayıb:

“Avropa çempionatında yunan-Roma güləşi üzrə tarixdə ilk dəfə 6 medal qazanan milli komandamızın möhtəşəm qələbəsi münasibətilə idmançılarımızı, məşqçilərimizi və bütün Azərbaycan xalqını ürəkdən təbrik edirəm”.

Xatırladaq ki, fevralın 11-də Azərbaycan yunan-Roma güləşçiləri Romada keçirilən Avropa çempionatını 2 qızıl və 4 bürünc medalla başa vurub. Sənan Süleymanov (77 kq) qızıl, Rafiq Hüseyynov (74 kq) qızıl, Eldəniz Əzizli (55 kq), Murad Bazarov (60 kq), Ülvi Qənizadə (72 kq) və İslam Abbasov (87 kq) bürünc medala sahib olublar.

// Qafqazinfo

loading...