Qadınlarda ilk gecə qorxusu - VAGİNİZM!

Qadınlarda ilk gecə qorxusu – VAGİNİZM!

Cinsi mövzularda məlumatı az olan bir cəmiyyət olmamız danılmaz faktdır. Ətrafdan alınan yanlış, ya da az informasiyadan qaynaqlanan bir çox cinsi problemlər var, ancaq bunlardan ilk gecə qorxusu bəzən xəstəlik səviyyəsinə gəlib çatır.

Vaginizm xəstəliyində vagina əzələlərində cinsi əlaqəyə imkan verməyəcək şəkildə spazm müşahidə olunur. İnformasiya mühitində yaşamamıza baxmayaraq, bu, şüuraltına işləmiş ilk gecə qorxusunun məhsuludur. Əksər hallarda gənc qızların öz aralarında danışaraq yaratdıqları bu xəstəlikdə cütlüklər heç bir halda cinsi əlaqədə ola bilmirlər. Ön sevişməni çox yaxşı bacarsalar belə, tam cinsi birləşmə (koitus) əzələlərində olan spazma görə baş vermir.  Bu da ər və arvad arasındakı münasibətin bir müddət sonra pozulmasına gətirib çıxarır. Bəzən 5-6 il bu vəziyyətdə yaşayan ailələrə rast gəlinir. Bunlar bir müddət sonra cinsi əlaqədən imtina edib sadəcə  ön sevişmənin orqazmı ilə kifayətlənirlər.

Bu problem ilk cinsi əlaqə vaxtı ortaya çıxa bildiyi kimi uzun illərdən sonra da yaşana bilər. Bəzən bir partnyorla yaşandıqı halda digəri ilə görünməyə bilər. Təməlində isə yalnış maariflənmə dayanır.Bu qorxular içində qızlıq pərdəsinin açılması zamanı həddən artıq ağrıların olması,cinsi əlaqənin çox ağrılı olması və doğuşun çox qorxulu olması kimi söhbətlər də var.

21-ci əsrdə, informasiya və texnologiya erasında yaşadığımız bir vaxtda “hələ də bu cür xəstəlik var?”, – deməyin. Çox yayılan və ailələrin xəstəlik kimi qəbul etməyib yaşadıqları bir xəstəlikdir.

Vaginizm xəstəliyinin müalicəsi cinsi məlumatların yenidən gözdən keçirilib az, ya düz olmayanların düzəldilməsi, verilən bəzi tapşırıqların olunması və qorxunun xüsusi psixoterapiya metodları ilə aradan qaldırılmasına əsaslanır.

Psixologiya və Konsultasiya Mərkəzinin klinik psixoloqu Orxan Fərəcli (www.psixotest.az)

loading...