“Çay, çəltik, sitrus festivalı”ndan rəngarəng - Fotolar
loading...

“Çay, çəltik, sitrus festivalı”ndan rəngarəng – Fotolar

Noyabrın 10-da Lənkəran Şəhər İcra Hakimiyyətinin təşkilatçılığı ilə Heydər Əliyev Xatirə Parkında sayca ikinci olan ənənəvi “Çay, çəltik, sitrus festivalı” keçirilib.

Fenomen.az xəbər verir ki, pavilyonlarda yerli ərzaq, sənaye malları, kənd təsərrüfatı məhsulları, Lənkəran çayından dəmlənmiş samovar çayından və şirniyyatlı süfrədən ibarət çay dəstgahı, “Haşimi”, “Sədri”, “Appolla”, “Campo” kimi yerli düyü sortlarından bişirilmiş 50 növdən çox plov, eyni zamanda Lənkəran mətbəxinin məşhur ləvəngisindən hazırlanmış xörəklər, müxtəlif çeşidli kabablar təqdim edilib.

Rayonun bədii özfəaliyyət kollektivləri, uşaq musiqi və rəssamlıq məktəblərinin şagirdləri, uşaq bağçalarının körpə fidanları, idmançılar və tələbələr öz məharətlərini göstəriblər.

Festivalın sonunda rayonun ictimai-siyasi həyatında və mədəni-quruculuq işlərində fəal iştirak edən, çalışdığı sahədə fərqlənən qabaqcıllara Fəxri Fərmanlar və qiymətli hədiyyələr təqdim olunub.(qafqazinfo)












loading...